Maruresults.blogspot.com
બજાજ ઓટોએ આજે તેની નવી બજાજ પ્લેટિના 110ને આર્થિક અને વધુ સારી માઈલેજ ધરાવતા ટુ-વ્હીલરના શોખીનો માટે બજારમાં ઉતારી છે. આ દેશમાં એન્ટિ લોક બ્રેકિંગ સિસ્ટમ (ABS)થી સજ્જ સૌથી સસ્તી બાઇક છે. 110 સીસી સેગમેન્ટમાં ABS ફીચર મેળવનારી આ પ્રથમ બાઇક છે. આકર્ષક દેખાવ અને મજબૂત એન્જિન ક્ષમતાથી સજ્જ, આ કોમ્યુટર બાઇકની શરૂઆતની કિંમત માત્ર 72,224 (એક્સ-શોરૂમ, દિલ્હી) નક્કી કરવામાં આવી છે.
આ એક રીતે અપડેટેડ વર્ઝન છે અને કંપનીએ તેમાં કેટલીક ખાસ ટેક્નોલોજી અને ફીચર્સ સામેલ કર્યા છે. આ બાઇકમાં 115.45 cc કેપેસિટીનું સિંગલ સિલિન્ડર એર કૂલ્ડ એન્જિન છે, જે ફ્યુઅલ ઇન્જેક્ટેડ ટેક્નોલોજીથી સજ્જ છે. આ એન્જિન 7,000 rpm પર 8.4 bhpનો પાવર અને 5,000 rpm પર 9.81 Nmનો પીક ટોર્ક જનરેટ કરે છે. આ એન્જિન 5-સ્પીડ ટ્રાન્સમિશન ગિયરબોક્સ સાથે જોડાયેલું છે.
નવી બાઇકમાં શું ખાસ છે?
નવા Platina 110 ABSના ફ્રન્ટ સાઇડમાં, કંપનીએ ડ્યુઅલ સ્પ્રિંગ-લોડેડ અને બેક સાઇડમાં શોક ઓબ્ઝર્વર સસ્પેન્શન આપ્યું છે. કંપનીનો દાવો છે કે તે સેગમેન્ટમાં વધુ સારા પર્ફોમન્સની સાથે આરામદાયક રાઈડ પણ આપે છે. ફ્રન્ટ વ્હીલમાં એન્ટિ લોક બ્રેકિંગ સિસ્ટમ (ABS) સાથે ડિસ્ક બ્રેક મળે છે, જ્યારે પાછળના વ્હીલમાં નિયમિત ડ્રમ બ્રેક મળે છે. સિંગલ ચેનલ ABSથી સજ્જ આ બાઇકમાં ડિજિટલ ઇન્સ્ટ્રુમેન્ટ ક્લસ્ટર પણ છે, જેમાં બાઇક સંબંધિત તમામ માહિતી પ્રદર્શિત થાય છે.
આ પણ વાંચો :
બાઇકના લોન્ચિંગ સમયે બોલતા, સારંગ કનાડે, પ્રેસિડેન્ટ, મોટરસાઇકલ્સ – બજાજ ઓટોએ જણાવ્યું હતું કે, “ભારત વિશ્વમાં સૌથી વધુ માર્ગ અકસ્માતો માટે જવાબદાર છે, જેમાંથી 45% ટુ-વ્હીલર અકસ્માતો છે. ભારતીય ઉપભોક્તા વિશે અમારી સમજ છે. કે પ્રવાસી સવારોને ઘણીવાર ગભરાટની બ્રેકિંગની સ્થિતિનો સામનો કરવો પડે છે અને તેમને વધુ સારી બ્રેકિંગ સુવિધાઓ પ્રોવાઇડ કરવી જરૂરી બની જાય છે. ડ્રાઈવરોને વધુ સારી સિક્યોરિટી પૂરી પાડવા માટે અને બેલેસિંગ બ્રેકિંગ પ્રોવાઇડ કરવા માટે આ બાઇકમાં ABSનો સમાવેશ કરવામાં આવ્યો છે.”
બજાજ પ્લેટિના 110
ભારતીય બજારના નિયમો અનુસાર, 125 cc એન્જિન કેપેસિટીથી ઓછી બાઇકમાં કોમ્બી બ્રેકિંગ સિસ્ટમ (CBS) અને 125 cc અને તેથી વધુની બાઇકમાં એન્ટિ લોક બ્રેકિંગ સિસ્ટમ (ABS)નો ઉપયોગ કરવો ફરજિયાત છે. પરંતુ બજાજ ઓટોએ આ 115 સીસી બાઇકમાં ABSનો સમાવેશ કરીને વધુ સારો પ્રયોગ કર્યો છે. આ બાઇક કુલ ચાર કલર્સમાં સેલિંગ માટે ઉપલબ્ધ છે, જેમાં એબોની બ્લેક, ગ્લોસ પ્યુટર ગ્રે, કોકટેલ વાઈન રેડ અને સેફાયર બ્લુ જેવા કલર્સ ઉપલબ્ધ છે.
0 Comments